പൊക്കൻ -------------- പൊക്കനെപ്പിടിച്ച്, വാലിൽ കുടുക്കിട്ട്, കല്ലെടുപ്പിച്ചും പറപ്പിച്ചും രസിച്ച കുട്ടി കോലാത്തെമ്പത്തിരുന്നു കരഞ്ഞു. പൊക്കൻ പറന്നുപോയത്രെ!! കാതിൽ കടുക്കനിട്ട കുഞ്ഞിപ്പറമ്പത്തെ പൊക്കേട്ടൻ കുട്ടിയെ ആശ്വസിപ്പിച്ചു - ''ഞ്ഞ്യെന്തിനാ മോനേ കരേന്നെ? പറക്ക്ന്ന പൊക്കൻ പോയാലെന്താ മോന് ഈ നടക്ക്ന്ന പൊക്കേട്ടനില്ലേ?'' കുട്ടിയും പൊക്കേട്ടനും കുഞ്ഞിപ്പറമ്പത്തെ മിറ്റത്ത് തുള്ളിക്കളിച്ചു.